Arwyn Watkins

Cadeirydd Gweithredol CHC

Ar ôl gadael Ysgol Uwchradd Llanfair-ym-Muallt ym mis Gorffennaf 1978, sicrhaodd Arwyn ei le yn Army School of Catering fel Prentis Cogydd. Dechreuodd Arwyn ei brentisiaeth gyda Army Catering Corps ym mis Medi 1978 a chwblhaodd y brentisiaeth ym mis Mehefin 1980 lle cafodd Arwyn ei leoli ym Münster yng Ngorllewin yr Almaen fel cogydd gyda’r Royal Hampshire Regiment.

Treuliodd Arwyn 14 mlynedd yn yr Army Catering Corps a gwasanaethodd gyda nifer o gatrodau gartref a thramor. Cwblhaodd Arwyn ei yrfa filwrol trwy ddysgu’r genhedlaeth nesaf o gogyddion milwrol yn yr un ysgol arlwyo lle ymgymerodd Arwyn â’i raglen brentisiaeth.

Faith O’Brien

Rheolwr Cyfarwyddwr

Ar ôl graddio o’r brifysgol gyda gradd mewn biocemeg feddygol, cymerodd Faith y camau cyntaf i’r byd proffesiynol fel rheolwr graddedig. Gyda phrofiad cyfyngedig yn y gweithle, penderfynodd wella ei sgiliau a’i gwybodaeth trwy ddechrau ar ei phrentisiaeth gyntaf mewn gweinyddiaeth. Ar ôl hyn, aeth Faith ymlaen yn raddol drwy’r lefelau, gan ennill cymhwyster rheoli ar lefel 5 yn y pen draw.

Roedd y prentisiaethau hyn yn darparu’r sylfaen gadarn yr oedd ei hangen arni i ddatblygu ei harbenigedd a’i hyder. Dywedodd Faith: “Rwy’n credu’n gryf eu [y prentisiaethau] bod wedi bod yn hanfodol i lwyddiant fy ngyrfa, gan roi’r offer i mi dyfu, addasu a ffynnu yn fy ngalwedigaeth. Mae prentisiaethau yn llwybr pwerus iawn i ddatgloi eich potensial.”

Elen Rees

Cyfarwyddwyr Cyllid a Gwasanaethau Cymorth

Ar ôl gadael y chweched dosbarth yn Ysgol Uwchradd Llanfair Caereinion yn 1997, fe mynychodd Elen Prifysgol Harper Adams am gyfnod byr iawn. Gan ddeall nad oedd y brifysgol yn iawn iddi, dychwelodd Elen adref yn fuan.  Ar ôl newydd adael y brifysgol, roedd yn rhaid iddi gael mynediad i fyd newydd a brawychus sef edrych i sicrhau swydd. Diolch byth, bu Elen yn llwyddiannus mewn cyfweliad swydd gyda Chwmni Hyfforddiant Cambrian. Cafodd ei chyflogi fel Cynorthwyydd Gweinyddol gan gwblhau Prentisiaeth Sylfaen mewn Gweinyddu Busnes a dechreuodd weithio ym mis Tachwedd 1997. Ar ôl hyn, symudodd ymlaen o fewn y cwmni gydag amrywiaeth o rolau o Gynorthwyydd Gweinyddol i Swyddog Hawliadau i Reolwr, hyd heddiw lle mae hi bellach yn gweithio fel Cyfarwyddwr Cyllid a Gwasanaethau Cymorth. Mynychodd hefyd Goleg Powys yn rhan-amser wrth weithio i gyflawni ei HNC a’i HND mewn Gweinyddu Busnes. Ar ôl cwblhau’r rhain, i’w chefnogi mewn rôl reoli yr oedd wedi’i dechrau, cwblhaodd Brentisiaeth Uwch mewn Rheoli.

Roedd y rhaglen brentisiaeth yn llawer mwy addas i Elen na llwybr y brifysgol, a dywedodd: “Rwyf dim ond yn gobeithio y bydd ysgolion yn sicrhau bod dysgwyr yn cael gwybod am y cynlluniau prentisiaeth sydd ar gael yn eu hardaloedd nhw. Fel rhiant, rwyf wedi sicrhau bod fy mab yn falch ei fod wedi dechrau ei brentisiaeth drydanol lefel 3 gyda chyflogwr lleol yn ddiweddar.”

Anne Jones

Cyfarwyddwr Ansawdd a Sgiliau

Ar ôl gadael Ysgol Uwchradd Llanfair Caereinion yn 1987, penderfynodd Anne ddilyn gyrfa mewn Trin Gwallt. Llwyddodd Anne i gael lleoliad gwaith a mynychodd gwrs Trin Gwallt rhan-amser yn y Drenewydd, gan ennill cymhwyster Lefel 2. Ar ôl cael ychydig flynyddoedd o brofiad diwydiannol, aeth ymlaen i wneud Prentisiaeth Lefel 3 mewn Trin Gwallt yn 2001 gyda Chwmni Hyfforddiant Cambrian.

Agorodd y Rhaglen Brentisiaethau nifer o gyfleoedd i Anne. Yn ystod y cyfnod hwn, dechreuodd hefyd ei rôl aseswr cyntaf gyda Hyfforddiant Cambrian a gweithiodd ei ffordd trwy ei gwobrau Asesydd a Gwiriwr. Arweiniodd hyn hefyd at Anne yn ennill TAR a gradd mewn addysg, a threuliodd nifer o flynyddoedd yn gweithio ym maes Dysgu Seiliedig ar Waith ac AB.

Am y 15 mlynedd diwethaf, mae Anne wedi bod yn Gyfarwyddwr Ansawdd a Sgiliau gyda Hyfforddiant Cambrian ac mae’n hyrwyddwr gwirioneddol o raglenni prentisiaeth.

Angela Maguire-Lewis

Cyfarwyddwr Llywodraethu

Angela Maguire-Lewis yw Cyfarwyddwr Llywodraethu Hyfforddiant Cambrian. Daw â bron i dri degawd o brofiad yn y sectorau dysgu a phrentisiaethau seiliedig ar waith, gan ei bod wedi ymroi ei gyrfa i wella cyfleoedd addysgol i bob dysgwr a darparu hyfforddiant o ansawdd uchel ledled y DU. Dros gyfnod ei thaith 29 mlynedd, mae wedi cael y fraint o weithio mewn rolau blaenllaw ledled Cymru, Lloegr, yr Alban a Gogledd Iwerddon, ac mae wedi ei galluogi i ddatblygu dealltwriaeth eang o anghenion amrywiol dysgwyr a chyflogwyr.

Dechreuodd gyrfa Angela yn 1994 fel aseswr gyda’r Hotel and Catering Training Company yng Nghaerdydd. Ysbrydolodd y rôl gychwynnol hon ei hangerdd am hyfforddiant prentisiaeth ac ers hynny mae wedi ymrwymo i ehangu mynediad at brentisiaethau tra’n canolbwyntio ar ansawdd, tryloywder a chydraddoldeb. Wrth i Angela ddatblygu yn ei gyrfa, mae hi wedi cael cyfle i arwain mentrau sy’n meithrin twf o fewn hyfforddiant prentisiaethau, a gweithio gyda chyflogwyr yn y sector cyhoeddus a phreifat i ddarparu rhaglenni prentisiaeth arloesol, effaith uchel.

Trwy gydol ei gyrfa, mae wedi cael y fraint o weithio mewn ystod o ddarparwyr hyfforddiant prentisiaethau, lle mae hi wedi hyrwyddo datblygiad rhaglenni sydd ar flaen y gad o ran anghenion y diwydiant. Trwy gymysgu galluoedd amlsector, hyfforddwyr arbenigol, a thechnoleg flaengar, meddai “gallwn sicrhau bod rhaglenni prentisiaeth wedi datblygu i fod yn effeithiol ac yn hyblyg, gan baratoi’r genhedlaeth nesaf o weithwyr medrus ar gyfer marchnad swyddi sy’n datblygu’n gyflym.”

Y tu hwnt i’w chyfrifoldebau o ddydd i ddydd, mae hi wedi chwilio am gyfleoedd i ddarparu llywodraethu a mewnwelediad strategol ar lefel ehangach. Mae Angela wedi bod yn aelod gweithgar o nifer o Fyrddau a Phwyllgorau Sgiliau, gan gynnwys ei rôl fel Aelod Bwrdd Cymwysterau Cymru, ac aelod presennol o Fwrdd NTfW. Yn y swyddi hyn, mae hi wedi cefnogi sefydliadau i rannu polisïau, gan sicrhau bod anghenion prentisiaid, cyflogwyr a’r economi ehangach yn cael eu diwallu.