Mae Prentisiaeth Sylfaen mewn Coginio Proffesiynol wedi bod yn newid gemau i’r cogydd Alastair Roberts-Jones, a fentrodd i arlwyo yn hwyr yn ei yrfa.
Cyn hynny, roedd Alastair yn hunangyflogedig am nifer o flynyddoedd cyn ymuno â RRC Crickhowell Compass Group UK & Ireland a chofrestrodd ar Raglen Brentisiaeth lefel 2 gyda Chwmni Hyfforddiant Cambrian.
“Rwyf wedi dysgu nifer o sgiliau a thechnegau, sydd wedi gwneud i mi garu pob munud o’m taith ddysgu.”
“Trwy fy mhrentisiaeth, rwyf wedi ennill dyrchafiad ar ôl dysgu’r sgiliau sydd eu hangen i symud ymlaen yn y busnes.
“Rydw i nawr yn hyfforddi aelodau iau y tîm i lenwi fy hen safle ac yna’n edrych i gymryd fy rôl drosodd, fel y gallaf barhau i ddyrchafu trwy’r rhengoedd a gwneud i’m newid gyrfa y canlyniad perffaith.
“Rwy’n edrych ymlaen at barhau â’m taith gyda Compass ESS gyda chefnogaeth wych pawb yn Hyfforddiant Cambrian.
“Mae’r hyfforddiant un-i-un wedi cryfhau ac wedi helpu fy hyder y tu mewn a’r tu allan i’r gegin. Ni fyddwn byth wedi meddwl, cyn dechrau’r brentisiaeth, y byddwn yn coginio i gannoedd o bobl heb ail feddwl.”
Mae Alastair bellach yn gweithio tuag at Brentisiaeth mewn Coginio Proffesiynol gyda Chwmni Hyfforddiant Cambrian, sy’n cael ei gefnogi gan y swyddog hyfforddi lletygarwch Will Richards.
Mae ei reolwr Stewart Wooles wedi mwynhau gwylio gyrfa Alastair yn datblygu. “Mae wedi datblygu’n dalent enfawr, gan ddangos penderfyniad i ddysgu’n barhaus a datblygu ei grefft i barhau i symud ymlaen yn ei lwybr gyrfa newydd cyffrous.”
Gadewch i ni adael y gair olaf i Alastair: “Fe es i mewn i’r diwydiant arlwyo yn hwyr a dwi’n meddwl fy mod i’n enghraifft dda o’r hyn y gallwch chi ei gyflawni gyda chymorth y Rhaglen Brentisiaethau sydd wedi llwyddo i newid fy ngyrfa er gwell.”