Yn dilyn blwyddyn gyntaf lwyddiannus, bydd cystadleuaeth gigyddiaeth WorldSkills yn dychwelyd yn 2016.
Mae’r darparwr dysgu Cwmni Hyfforddiant Cambrian, sydd wedi ennill gwobrau, wedi trefnu’r gystadleuaeth gigyddiaeth ar ran WorldSkills DU gyda chefnogaeth Gr?p Llywio’r Diwydiant. Mae Meat Trades Journal yn falch i fod yn bartner cyfryngau unigryw.
Mae tri rhagbrawf rhanbarthol yn arwain at y gystadleuaeth, a bydd y chwe chigydd sy’n cael y sgoriau uchaf o bob rhan o’r DU yn cymhwyso ar gyfer y rownd derfynol a gynhelir yn y Skills Show yn NEC Birmingham 17-19 Tachwedd.
Yn y rhagbrawf rhanbarthol cyntaf bydd pedwar o’r cigyddion gorau yn cystadlu yn rhagbrawf Cymru yn y Ganolfan Rhagoriaeth yn y Trallwng ar ddydd Mawrth 24 Mai 2016.
Mae cigyddion Cymru’n cynnwys: Peter Rushforth 19 oed o Siop Fferm Swans yn yr Wyddgrug; Liam Lewis 28 oed o Siop Fferm Ystâd Penarlâg ger Caer; Peter Smith, 31, o Morrisons y Trallwng a Hannah Blakely, myfyrwraig 16 oed yng Ngholeg Dinas Leeds.
Dywedodd Andrew Lindsay, goruchwylydd Lewis yn Siop Fferm Ystâd Penarlâg, fod ei gydweithiwr wedi bod yn gweithio’n galed i baratoi ar gyfer y gystadleuaeth.
Bydd cael aelod o staff yn arddangos ei sgiliau ar lwyfan fel hwn yn helpu i ennyn diddordeb yn y busnes, meddai Lindsay. “Mae’n rhoi cyfle i hysbyseb bod yna ymgeisydd mewn cystadleuaeth o’r fath yn gweithio i ni ac mae hynny’n gymaint o ased hyfyw.
“Mae’r cyfan yn gweithio o’n plaid mewn gwirionedd, yn ogystal â’i blaid, i fod yn gallu dweud: ‘Dyma’r hyn rydw i wedi’i wneud a’i gyflawni’.”
Dewiswyd y pedwar cigydd dawnus i gymryd rhan yn y gystadleuaeth ar ôl llwyddo mewn prawf goddefol. Mae pob cystadleuydd yn cael cynnig y cyfle i gystadlu yn unrhyw un o’r tri rhagbrawf, gan ddibynnu ar eu hargaeledd.
Beirniaid eleni yw Roger Kelsey, prif weithredwr Ffederasiwn Cenedlaethol y Masnachwyr Cig a Bwyd (NFMFT) ac ymgynghorydd y diwydiant Viv Harvey. Mae gan y ddau feirniad wybodaeth a phrofiad helaeth yn y diwydiant.
Bydd y gystadleuaeth yn cael ei rhannu yn ddau gategori. Ar gyfer tasg un bydd y cystadleuwyr yn cael 45 munud i dorri ochr orau cyfan o gig eidion yn gyhyrau unigol, gan ddilyn yr holl semau naturiol.
Mae gan yr ail dasg thema barbeciw a bydd gofyn i gigyddion greu arddangosfa barbeciw sy’n gyffrous yn weledol gan ddefnyddio gallu a sgiliau technegol.
Dywedodd Arwyn Watkins, cadeirydd a rheolwr gyfarwyddwr Cwmni Hyfforddiant Cambrian: “Mae’n ardderchog gweld y defnydd o’r buddsoddiad a wnaethpwyd yn ein huned torri Cig Oen a Chig Eidion Cymreig PGI sydd â thrwydded FSA wrth ddatblygu sgiliau yn y sector hwn sy’n bwysig iawn.”
Ymhlith y partneriaid nawdd mae NFMFT, the Institute of Meat, Cyngor Addysg a Hyfforddiant Bwyd a Diod, Hybu Cig Cymru – Meat Promotion Wales a Viv Harvey.